Басты бетБИЛІК ПЕН БИЗНЕСБЫЛАЙША АЙТҚАНДАЕЛ ІШІЖАҢАЛЫҚТАРЖЕЛІГЕ ЖАЗҒАН...ЗАҢ СӨЙЛЕСІНҚОҒАММӘДЕНИЕТРУХАНИЯТСАЯСАТҮЛКЕН СҰРАҚ

Мырзахметов пен Манжуовтың “ескі ескерткіші” қайта қойылды

Ақыры алынды

Мырзахметов пен Манжуовтың арасына от жаққан да осы ескерткіш дейді. Саяси элитаның сыртынан қараған ел көзқарастар қайшылығын сол кезде анық аңғарды. Ескерткіш ел кезіп, көк базардан көшкелі көп әңгіме болды. Ол жайында сәл соңынан. Алдымен ақпараттандырсақ.

Дауға айналған даңқты жыраудың ескі ескерткіші әкімдік алдына қайта қойылды. Иә, мүсін мәселесі мұқым елдің талқылайтын тақырыбына айналып еді. Былтыр Тараздың төріне тұрғызылды деген Жамбыл Жабаевтың жаңа ескерткіші көптің көңілінен шықпағаны рас. Тас тұғырдың тақырыбы Ақордаға дейін жетті. Мүсін мәселесіне «Nur Otan» партиясы да араласты. “Жыр алыбының жаңа композициясы мен ескі ескерткішінің несі ұнамсыз?” деп біз де сұрау салғанбыз. 

Жыр алыбы Жамбылдың жаңа ескерткіші облыс әкімдігінің алдына былтыр қазанда қойылған болатын. Содан бері даңқты жыраудың даңғарадай мүсіні дауға айналды. Әлеуметтік желі қолданушылары әбден талқылап, бірі қолдаса, бірі жаңа эскизді жаратпай тастады. Біз бірден 50 жылдан бері ескерткіш жасап жүрген мүсінші маманды сөзге тарттық. Аймаққа аты белгілі Сейіткәрім Момышев жаңаны жақтырмағандар қатарында болды.

“63 жылдан асып кетті, бұл Тараз қаласының паспорты. Білесің ба, мынау еш уақытта паспорт бола алмайды. Бұрынғы тұрған Жамбыл мынау шойыннан құйылған. Міне, мына жерде образ бар, динамика бар, біріншіден материальность бар, беріктік бар. – Ал, қазіргісі? – Ол міне мынандай қаңылтыр” – деп, Сейіткәрім ақсақал ашына айтқан еді.

Бұрынғы мүсіні жылы жымиған, жүзі қоңырқай қалыпта адамды өзіне тартып тұратын.  Ал, қала билігі ескерткіш бой көтерген 54 жылда 17 рет жеңіл-желпі жөндеу жүргізген. Жөнделе-жөнделе тас тұғырының тозығы жетті деді. Сондықтан Алматыдан арнайы мамандар шақырып, екі рет сараптама жүргізген. Соның қортындысына сай Үкімет қаулысынсыз-ақ, демеушілердің қаржылай қолдауымен ауыстырған.

Кенжебек ОЛЖАБАЙ, ТАРАЗ ҚАЛАСЫ ӘКІМІНІҢ ОРЫНБАСАРЫ:
Сол сараптама жұмыстарының нәтижесінде бұл ескерткіште күрделі жарықтардың пайда болғандығы, жалғанған жарықтары арасында, арқасы мен қолтықтарында, төменгі етектерінде, сыртқы қабаты қабыршықтанғаны , қауіпті темір қақтар пайда болғандығы, сапасыздығы туралы анықтама жасалған болатын. Екі рет өткізіп, орнынан алу, жөндеу жұмыстарын жүргізу туралы бізге жеткізіп отыр.

«Nur Otan» партиясы Жамбыл облыстық филиалы төрағасының бұрынғы бірінші орынбасары Ерқанат Манжуов ескі мүсінде еш мін жоғын айтқан болатын. “Заң жүзінде 70 пайызы ескерсе ғана ескерткіш ауысады, ал бұл тозбай жатып алынды” деді. Ал, көшірмесіне қатысты заң бұзылған әрі орналасқан жері орынсыз деп отыр. Сорақысы сол ескерткіш Үкімет қаулысынсыз ауысқан деп өте сенімді айтқан еді.

Ерқанат МАНЖУОВ, «NUR OTAN» ПАРТИЯСЫ ЖАМБЫЛ ОБЛЫСТЫҚ ФИЛИАЛЫ ТӨРАҒАСЫНЫҢ БҰРЫНҒЫ (БІРІНШІ) ОРЫНБАСАРЫ:
Барлық жағынан ескерткіш дұрыс емес. Біріншіден мүсін оңтүстікке қарау керек. Ал, бұл солтүстікке бағытталған. Екіншіден, ескерткіш ол жерден көрінбейді. Үшіншіден, ол ақын, ол атқамінер, қоғам белсендісі емес әкімдік алдында тұратындай. Осы 3 дерек бойынша оған қоғам мүшелері қарсы. Ал, бұл ретте біз партия бұқараның жағындамыз. Ал, ескерткіш мемлекет қорғауында болғандықтан, оны өзгертуге ауыстыруға Үкімет қаулысы керек. Ол облыста жоқ. Яғни, заңбұзушылық орын алып отыр.

Осылай деген о кездегі орынбасар мырза атасының ескерткішін айтып Астанаға дейін барды. Ақырында айтып жүріп, жұмысын жоғалтып алған-ды. Бас партия филиалын басқарып отырғанында қол астындағылар секретный жиын жасап, сыртынан шығарып жіберген. (Ол жағын фейсбукке Өзі жазған). Мұны желідегі жұрт Мырзахметов пен Манжуовтың батл-ына балады. Сонымен, бүгін қас-қарайған уақытта қазіргі қалпы қаңылтырға баланған ескі ескерткіш “төбеден” түсті. Биіктігі 4 метр, салмағы 1,5 тонна мүсіннің енді қайда қалатыны бөлек әңгіме. Олай дейтініміз Наурызбаев жасаған ескі ескерткіш «Жасыл Тараз» мекемесінің қоймасында қисайған қалпы жеті айдай жатты. Оны еліміздің суретшілер одағы кәсіби жөндеуден өткізу керек деген болатын. Атқамінерлер жөндеу жұмысына демеушілер табылса екінші ескерткішке Тараздан тағы бір орын табылады деп сендірген еді. Сол айтқандарын орындап ақын атамызды “Атқамінерлер үйінің” алдына қайта қойды.

Д. Ілияс, “Jambylmedia.kz”

Тегтер

Related Articles

Добавить комментарий

Ваш e-mail не будет опубликован.

Close