Басты бетЕЛ ІШІЗАҢ СӨЙЛЕСІН

МОЙЫНҚҰМДА МАЛДЫ МЫЛТЫҚПЕН АТЫП АЛУ АРҚЫЛЫ ҰРЛАЙТЫН БОЛҒАН

Жамбылда барымташылар жайылымдағы малды ұрлаудың «жаңа әдісіне» көшкен. Олар өрістегі малды қуалап әбігер болмай, аңшы мылтығымен атып алуды шығарған. Артынша өлген малды өрісте сойып, көлікке тиеп тасып отырған. Осындай жолмен «оңай олжаға» кенелгісі келген екі азамат Мойынқұм ауданында құрықталды. Мойынқұм даласындағы мал ұстайтын ағайын барымташылар жіліктеп сойылған 5 сиырды аң секілді атып алғанын айтады. Олар сырт көзге саятшылық құрған адам секілді көрініп, 7 сиырды сұлатып салады. Мүлт кетпеген мерген ұрылыр мүйізді ір қараларды екі «Нива» көлігіне тиеп, шұжық шығаратын зауытқа шұғыл апарған. Күдіктілер қос көлікке сиырлардың бәрін сыйдыра алмағандықтан қалған екі сиырды қансыраған күйінде қалдырып кетіпті. Тұрғындардың тез арада полицияға хабар беруінің арқасында 41 және 45 жастағы екі азамат қолға түседі. Сиыр атушылардың сыбайластары болуы мүмкін екені айтылуда. Қарақшылардан алынған 2 млн теңгеден асатын ірі қара еті қожайындарына қайтарылды. Ал, ұрлықпен ұсталғандардың бірі бұрын да мал ұрлығы бойынша сотты болған екен.

Гүлсара Мұхтарқұлова, Жамбыл облыстық полиция департаментінің баспасөз хатшысы

Аталмыш дерек бойынша ҚР ҚК 188-бабының 3-бөлімі бойынша сотқа дейінгі тергеу амалдары жүргізілуде. Күдіктілердің қылмысы дәлелденген жағдайда мүлкі тәркіленіп, 3 жылдан 7 жылға дейін бас бостандығынан айырылуы мүмкін.

Руслан Ордабек

Тегтер

Related Articles

Добавить комментарий

Ваш e-mail не будет опубликован.

Close