Белгілі ғалым Мекемтас Мырзахметұлы өмірден өтті
Бүгін ұлт руханиятының алыбы, абыз тұлғасы Мекемтас Мырзахметұлы 95 жасқа қараған шағында дүниеден өтті. Көректі ғалымның қазасы қалың елің қабырғасын қайыстырды.
Мекемтас Мырзахметұы филология ғылымдарының докторы, профессор, көрнекті абайтанушы ғалым ретінде қазақ ғылымына қызмет етті. Сүбелі үлес қосып, сүйекті мәселелер көтерген есіл еңбегі үшін ел алғысына бөленді, мемлекеттік сыйлықтың иегері атанды.
Абайдың мұрасын зерттеп қалың қазақтың санасына сәуле түсірді. Шығыс Әлеміне шұғыласын шашқан Ұлы ақынның шырағын одан сайын жаға түсті. Сонымен қатар мұхтартану, яссауитану әлеміне де үлкен үлес қосты.
Таразда ашылған «Бауыржантану» ғылыми зерттеу орталығына жетекшілік жасады. Бауыржан Момышұлының болмысын ашуға, жанқияр батырлығы мен қоса жалынды жазушылығын да дәріптеді.
Ғалымның аты да, хаты да өлмейді. Бақұл бол, қазақтың кең омырау кемеңгер тұлғасы! Марқұмның отбасына, жақындары мен туған-туыстарына қайғырып көңіл айтамыз!
Қуаныш Арыстанбек, "Jambylmedia"
Сіздің реакцияңыз қандай?
