Жас ұстаз физика заңдарын әндетіп түсіндіреді
Тараздa физика пәні мұғалімі сабақты сазды әуенмен түсіндіріп, физика заңдылықтарын бейнеклип арқылы баяндап береді. Ньютон заңын нотаға түсірген жас ұстаз желі жұлдызына айнала бастады.
«Дарын» лицей-интернатында жұмыс істейтін физик әрі лирик Рауан Жаңабай ерекше эксперимент жасауды бір жыл бұрын бастаған екен. Ол оқушылардың сабаққа деген қызығушылығын осылай ояттым дейді. Жастар трендтегі әндермен түсіндіру тәсілін тез қабылдаған. Бүгінде 30-ға жуық физика заңдары мен теңдеулерін ән мәтініне арқау еткен.
"Осы жылы 7 сыныптарға сабақ бетіп жатырмын. Оларға арнайы тіркестер деген ән жазып бердім. Олар соны жаттап алып, сабақтан бөлек, сабақ үстінде айтып қалады және осының бізге көмегі тиді дейді. Тіркестер деген 7 сыныптағы өте маңызды тақырыптың бірі. Оны білмесе 11 сыныпта қиналады. Өзім маман ретінде дамығым келеді, қазіргі таңда неше түрлі курстар оқып жатырмын." - деді жас физик Рауан Жаңабай.
26 жастағы әнші-физик өз қаржысына мобилограф жалдаған. Енді ол зертханалық сынамаларды графикалық кесіндер арқылы бейнероликтеріне қоспақ. Кәсібіңді шын сүйсең ақшаны да аямай жұмсауға болады дейді. Сондай-ақ ол физик заңдарын сөзжұмбақтар құрастыру арқылы да көрсетеді.
Сіздің реакцияңыз қандай?
