«Қара тақиялы, қаба сақалды». Таразда діни радикалды топ ұсталды
Тараз қаласында 11 адамнан тұратын діни радикалды топ мүшелері құрықталды. Олар әлеуметтік желілерде Қазақстанда тиым салған діни мазмұндағы материалдарды тұрақты түрде насихаттап келген.

Күдіктілерді облыстық прокуратура, Ұлттық қауіпсіздік комитеті мен полиция бірлесіп, үй-жайларынан ұстады. Кейбірі көшеде жүрген жерінен, құрылыс басынан қол түсті.
Тағы бірі қалың ұйқыда жатқан жерінен қамауға алынды. Құрықтау кадрларынан қара тақиялы, қаба сақалды ер адамдарды, оранған әйелді көруге болады.
Жат ағым жетегінде жүргендер ғаламтор арқылы шетелдік радикалды уағызшылардың діни дәрістерін таратқан.
Өзге дін өкілдерінің сезімдерін қорлап, өздерінің үстемдігін аудио және бейнежазбалармен насихаттаған.
Тінту кезінде діни алауыздық белгілері бар кітаптар тәркіленді. Топ серкесі мен тағы 4 адам қамалып, қалғандары қылмыс куәгерлері ретінде кінәларын мойындаған.
Қуаныш Арыстанбек, "Jambylmedia"
Сіздің реакцияңыз қандай?






