Түзеу мекемесіндегілер туыстарын құттықтады

№59 мекемесінде сотталғандар 1 наурыз – Алғыс айту күніне орай туыстарын құттықтады

1 наурыз – Алғыс айту күні Жамбыл облысы бойынша ҚАЖ департаментіне бағынысты №59 мекемесінде тәрбиелік маңызы бар іс-шара ұйымдастырылды.

Мекемеде жазасын өтеп жатқан азаматтарға мерекелік күн аясында скайп байланысы арқылы туыстарымен тілдесуге мүмкіндік берілді. Онлайн кездесу барысында сотталғандар ата-аналарына, отбасы мүшелеріне және жақындарына жүрекжарды алғыстарын білдіріп, ізгі тілектерін жолдады.

Іс-шараның басты мақсаты – сотталған азаматтардың отбасымен байланысын нығайту, рухани-адамгершілік құндылықтарды дәріптеу және олардың қоғамға қайта бейімделуіне оң ықпал ету. Мұндай кездесулер жазасын өтеушілердің психологиялық көңіл-күйін тұрақтандырып, түзелу жолына түсуіне серпін береді.

Мекеме әкімшілігінің мәліметінше, алдағы уақытта да сотталғандардың әлеуметтік байланыстарын қолдауға бағытталған тәрбиелік шаралар жалғасын табады.