Жамбылда Президент жолдауының бағыттары қалай жүзеге асуда?

Мемлекет басшысының «Жасанды интеллект дәуіріндегі Қазақстан: өзекті мәселелер және оны түбегейлі цифрлық өзгерістер  арқылы шешу» атты Қазақстан халқына жаңа Жолдауында негізгі 7 бағытты айқындап өтті. 

Көлік-логистиканы дамыту аясында:

§  Өңірлердің көлік байланысына қатысты мәселемен айналысу;

§  Көлік жүйесін басқарудың жаңа үлгісін жасау;

§  Жыл соңына дейін көліктің барлық түрін ескере отырып, бәсекеге қабілетті тариф саясатын әзірлеу;

§  Жасанды интеллектіні қолдана отырып, тасымалды басқарудың кешенді, көпбейінді цифрлық платформасын енгізу;

§  Автокөлікпен жүк тасымалдауға арналған шекара маңындағы қызмет сапасын жақсарту;

§ Туризм саласын дамыту тапсырылды.

Тұрғын үй-коммуналдық шаруашылығы мен су инфрақұрылымын жаңғырту бойынша:

§  «Ақылды қала» тұжырымдамасын енгізу;

§ Тұрғын үй-коммуналдық шаруашылығы нысандарының меншік мәселесін шешу;

§ Тұрғын үй құрылысы, Су секторында Ұлттық және біртұтас цифрлық платформаларды құру;

§  «Таза Қазақстан» жалпыұлттық жобасы аясында жұмыстарды ары қарай жүргізу;

§ Мектептен бастап жоғары оқу орындарына дейін барлық білім мекемелерінде Экологиялық ағарту ісінің бірыңғай үлгісін енгізу тапсырылды.

Елді мекендерді сапалы ауыз сумен қамтамасыз етуге 15,4 млрд.теңге (РБ - 6,5 млрд.теңге, ОБ - 3,9 млрд.теңге, арнайы мемлекеттік қоры есебінен -  5,0 млрд.теңге) қарастырылды. Нәтижесінде, ауылдық елді мекендерді сумен қамту 98,7%-дан және қалаларды сумен қамту 96,4%-дан жыл қорытындысымен 100% қамтамасыз етілетін болады.

 Газдандыру аясында облыста 35 елді мекенде құрылыс жұмыстары жалғасуда, оның 9-ы биыл  газбен қамтылады (16,7 млрд.теңгеге 14 жоба). Нәтижесінде, газбен қамту деңгейі 91,8%-ға жеткізіледі (тұрғындармен есептегенде, 2024 ж. - 91,3%).

Тараз қаласында М-1 негізгі жылу магистралі, Қаратау мен Жаңатас қалаларындағы орталық қазандықтар қайта жаңғыртудан өтіп, Тараз қаласындағы М-3 жылу желісінде жаңғырту, 15 мөлтек ауданындағы жылу желісінде кеңейту жұмыстары басталуда. Нәтижесінде, 2025 жылы жылу желілерінің тозу деңгейін 53%-ға дейін төмендету жоспарлануда (2024-54%).

Кәсіпкерлер елімізді цифрлық дамытудың қозғаушы күші болуға тиіс. Осы бағыт аясында:

§ Кәсіпкерлерді қолдау жүйесін Интеллект арқылы реттеу орталығы құрылады;

§ заңнаманы жеңілдету және жүйелеу;

§ мемлекеттік органдарды сервистік үлгіге көшіру,

§ жаңа салық мәдениетін қалыптастыру,

§ даму институттарын күшейту,

§ мемлекеттің экономикадағы үлесін азайту бойынша жұмыс жүргізіледі.

Шағын және орта бизнес субъектілерінің өнім шығару көлемі 323,3 млрд. теңгені (106,1%).  Жұмыс істеп тұрған ШОБ субъектілерінің саны 107,8 мың бірлікті, онда жұмыспен қамтылғандар саны - 163,5 мың адам құрады.

Цифрландыру дәуірінде адами капиталды дамыту бағытында:

§ Білім беру саласына мектеп оқушыларына жасанды интеллект негіздері туралы бағдарлама және оқу материалдарын әзірлеу;

§   Инновациялық саясаты Ғылым және жоғары білім министрлігінің құзырына беру;

§ Дарынды зерттеушілерді қолдау, білікті мамандарымызды елге қайтару;

§ Бірыңғай цифрлық көші-қон есебін енгізу және өңірлерден көші-қон ағынының себептеріне егжей-тегжейлі талдау жүргізу;

§ Аймақтардағы әлеуметтік тұрғыдан осал топтағы азаматтарға бөлінетін әлеуметтік төлемдерді біріздендіру;

§ Зейнетақы жүйесінің қаржылық тұрақтылығын нығайту, зейнетақы төлемдерінің ұзақ уақыт бойы теңгерімді және лайықты деңгейде болуын қамтамасыз ету шараларын қарастыру;

§ «Қарызсыз қоғам» жобасы аясында жұмыстарды ары қарай жүргізу;

§ Денсаулық сақтау жүйесін дамыту, медициналық қызметтердің сапасына және көлеміне мониторинг жүргізетін жаңа жүйені қалыптастыру;

§  Мәдениет және спорт салаларын дамыту тапсырылды.

Алдағы уақытта облыстың стартегиялық және бюджеттік жоспарлау саясаты Жолдауда айқындалған осы міндеттерді орындауға  бағытталатын болады.