Ақша сұрайтын адамдар екен

Көшбасында Криштиану Роналду 

Табыстылар тізімі 11 жыл бойы жасалып келеді десек, оның жетеуінде Криш бірінші орынды бермеді. Былтыр да көш басынан көрінген. 

Айғырдың алаңда тапқан ақшасы $220 млн, сырттан суырған соммасы 65 лимон доллар (жарнамасы, тағы басқасы бар)

Қосындысында қолына тиген қаржы 285 млн доллар. Бұл былтырғы табысынан $25 млн-ға көп.

Месси жарнамаға жатып алыпты

Майамиде жүрген Месси де малтапқыш екен. Ақшаның артынан қуып Арабияға бармаймын деген аргентиналық байқамай қалтасын қалыңдатып алған. Демек артынан ақшаның өзі барған болып тұр. 

Еншісінде екінші орын. "Интер Майами" футболшысы Лионель Мессидің рейтингтегі табысы $135 млн, оның 75 міллөні жарнамалық табыстарына тиесілі. Алаңдағы қара құйынға ақша табуда қандай тиым болсын!?. 

Осылайша оның жалақысынан жарнамасы көп. Криштианудан да көп тапқан. Портуғалиялықтан жалпы есепте жеңілімпаз болғанымен, есесіне жарнамаға жатып алған екен. 

Неймарда неше лимон бар?

Журналдың журналистері Неймардың да қалтасына түсті. Сөйтіп үздік үштікті түйіндеу бразилиялыққа бұйырды. 

Ней бір жылда 110 миллион доллар тапқан. Оның сексені таза айлықтан түсіпті. Қалғаны қылтың-сылтыңнан.

Ал Неймар мен Мессидің тапқанын қоссаң Криштанудың жалғыз жиған табысына жетпейтінін калькуляторсыз есептеуге болатынын байқаған боларсыз. Ендеше Саудиядан сәлем! 

Сонымен долларды дорбалап тапқан доптеберлер рейтінгісін шолып шықсақ… Иә алдымыздан тағы арабтар шығады. Өйткені ТОП 10 адамның төртеуі Сауд Арабиясының чемпионатында ойнайды. “Мұнайлы мемлекеттің мұндайы да бар ма еді?” деп таңқалудың өзі артық. Ал үшеуі ағылшын премьер-лигасында доп тебеді. Рейтингте испан Ла Лигасынан екі ойыншы, Американың MLS-нен бір адам бар. Төменге түссеңіз кімдер екені көрінеді. ⬇️

Forbes журналының нұсқасы бойынша 2024 жылы ең көп табыс тапқан футболшылар:

1. Криштиану Роналду — 285 млн доллар

2. Лео Месси — 135 млн доллар

3. Неймар — 110 млн доллар

4. Карим Бензема — 104 млн доллар

5. Килиан Мбаппе — 90 млн доллар

6. Эрлинг Холанд — 60 млн доллар

7. Винисиус — 55 млн доллар

8. Мохамед Салах — 53 млн доллар

9. Садио Мане — 52 млн доллар

10. Де Брюйне — 39 млн доллар