Суару саласындағы серіктестік

Қазақ ұлттық су шаруашылығы және ирригация университеті суару саласындағы жетекші халықаралық компаниялармен бірлесіп кешенді мелиорациялық білім беру және зерттеу ортасын қалыптастыруда. Оқу орны су ресурстарын тиімді басқару, суармалы егіншілікті жаңғырту және жаңа инженерлік технологияларды оқу үдерісіне енгізу бағытында халықаралық және отандық серіктестіктер аясында ауқымды жұмыстар жүргізіп келеді.

Rubicon Water компаниясымен стратегиялық серіктестік

Университет Австралияның әлемдік деңгейдегі Rubicon Water компаниясымен бірлесіп, шлюз арқылы суару технологиясының озық үлгілерін ғылыми зерттеу мен білім беру бағдарламаларына енгізу жұмыстарын іске асыруда. Rubicon Water – ауыл шаруашылығында суды үнемдеу, су беру жүйелерін автоматтандыру, шлюздік басқару жүйелерін жобалау, өндіру және орнату бойынша халықаралық көшбасшы компания.
Бұл серіктестік аясында университет:
заманауи шлюздік суару технологияларын зерттейді;
инженерлік мамандықтарға арналған оқу бағдарламаларын жаңартады;
студенттерді нақты өндірістік процестермен таныстыратын практикалық зертханалық база қалыптастыруда.

Жаңбырлатып суару технологияларын енгізу жалғасуда

Бұған дейін университет BNK-Group ЖШС компаниясымен бірге жаңбырлатып суару технологиясының тиімді үлгілерін енгізуді бастаған болатын. Қазіргі таңда бұл бағытта тәжірибелік-өндірістік жұмыстар жүргізіліп, оқу үдерісіне кіріктірілуде. Шлюздік суару, жаңбырлатып суару және цифрлық бақылау жүйелерін біріктіре отырып, университет толыққанды мелиорациялық әдістемелік кешен қалыптастыруды жоспарлап отыр. Бұл кешен студенттерге заманауи ирригация технологияларын тәжірибе жүзінде меңгеруге мүмкіндік береді.

Агродрондарды оқу үдерісіне енгізу

Цифрлық ауыл шаруашылығын дамыту мақсатында университет JAS Engineering компаниясы және Сәтбаев университетімен серіктестік орнатып, оқу-ғылыми жұмыстарға қажетті агродрон жеткізілді.
Бұл агродрон:
мелиорациялық аумақтарды қашықтан бақылау;
топырақ және өсімдік жағдайын талдау;
суару және тыңайтқыш беру процестерін дәл басқару;
цифрлық картографиялау жұмыстарын жүргізу үшін пайдаланылады.
Осының арқасында білім алушылар агротехнологиялар мен суармалы егіншіліктегі заманауи әдістерді тәжірибеде игеру мүмкіндігіне ие болады.

Кешенді мелиорация бағытында студенттермен бірлескен жұмыстар

Университеттің бакалавр, магистрант және докторант деңгейіндегі студенттері: тәжірибелік зерттеулерге қатысып, жаңа суару жүйелерінің тиімділігін талдап, ғылыми жобалар мен тәжірибелік сынақтар жүргізіп,
халықаралық серіктестер ұсынған технологиялармен жұмыс істеуді үйренуде. Бұл бастамалар университеттің практикалық білім беруге негізделген стратегиясын нығайтып, студенттердің инженерлік құзыреттілігін арттырады.

Қорытынды

Қазақ ұлттық су шаруашылығы және ирригация университеті халықаралық деңгейдегі инновациялық технологияларды білім беру жүйесіне енгізе отырып, су шаруашылығы саласында бәсекеге қабілетті мамандар даярлауға бағытталған кешенді реформаларды жүзеге асырып келеді. Rubicon Water, BNK-Group, JAS Engineering және Сәтбаев университетімен орнатылған стратегиялық серіктестіктер – университеттің суармалы егіншілік пен мелиорация саласындағы заманауи ғылыми-өндірістік хабқа айналу жолындағы маңызды қадамдары.