Жамбылға жауапты уәкіл тағайындалды
Жамбыл облысы бойынша Адам құқықтарының уәкілі болып Еркін Қуанышев тағайындалды.
Прокуратура саласында қызмет істеп зейнетке шыққан Еркін Тілешұлы енді аймақтағы адам құқықтарының сақталуына тікелей жауапты.
Ол жаңа міндетін мойнына алысымен облысы әкімінің орнында уақытша отырған Нұржан Календеровпен кездесті.
Құқықтық қоғам қалыптастыру турасында әңгіме өрбітіп, заң үстемдігі барлық салада салтанат құру керектігін айтты.
Бұған дейін Адам құқықтары жөніндегі уәкілдің Жамбыл облысы бойынша өкілі Берікбол Байхожаев болды. Ол осы бағыттағы жұмыс енді Қызылорда облысына жалғастырады.
Сіздің реакцияңыз қандай?
